Хөлрөх нь дотоод эмгэгтэй холбоотой

Чухал хүнтэй гар барих үед, магадгүй хослон бүжиглэх үед гар тань хөлөрдөг үү? Тийм хүмүүс байн байн өмдөндөө гараа үрж байгаа харагддаг.
Цаашилбал хөлний тавхай, нуруу, суга гэхчлэн бие тань хөлрөх гээд байдаг уу? Энэ асуудлыг хойш тависаар л байна уу? Тэгвэл хөлрөлтийг шийдэх маш олон арга байдаг бөгөөд хамгийн чухал нь шалтгааныг нь зөв олох хэрэгтэй. Хэрэв та үл тоодог бол цаашид эвгүй үнэртэй болох, бусдад таагүй мэдрэмж төрүүлэх зэрэг сөрөл талтайгаас гадна хэт их хөлрөх нь дотоод эмгэгтэй холбоотойг анхаараарай!….

Хэрэв таны хайртай хань тань эсвл дотны хүн тань хөлрөх гээд байдаг бол энэхүү мэдээг заавал дуулгаарай!

Төв мэдрэлийн системийн нөлөөгөөр хөлсний булчирхайнаас ялгарах шүүрэл ихсэх болон арьсаар цусны шингэн эд нэвчиж байгаа үзэгдлийг хөлрөлт гэдэг ажээ. Хүний бие махбодийн бүх үйл ажиллагаа, үйл хөдлөлийг төв мэдрэлийн тогтолцоо зохицуулж байдаг бөгөөд хөлрөх нь дараах тохиолдлуудад ихэсдэг.

Yүнд:

– Халуун хоол унд идэж уух, биеийн хүчний ажил, дасгал хийх, халуун орчинд байх үед хүний биеийн дулаан нэмэгдэж халууцдаг. Yүний үр дүнд биеийн бодисын солилцоо нэмэгдэж, задралын эцсийн бүтээгдэхүүн болох ус нь хөлс болж гадагшилснаар биеийн дулаан тогтвортой хэмд хадгалагдана

– Гэнэт айж цочих, сандрах,  хүчтэй өвдөх үед

– Цэвэршилтийн үед болон хүнд өвчнөөр өвдсөний дараа,

– Төрсний дараа,

– Хордлого ихтэй өвчин,

– Зүү эмчилгээний дараа

-Төв мэдрэлийн тогтолцооны тэнцвэр зохицуулалт алдагдсанаас хүн хөлрөмтгий болдог ажээ.

Хэт их хөлрөх нь:

Хөлсөөр бодисын солилцоонд үүссэн задралын бүтэц болох ус, эрдэс бодис, уураг, шээсний хүчил, эмийн бодис, эсрэг биет зэрэг хүний биед ашигтай болон хортой олон бодисууд гадагшилдаг.

Хөлрөмтгий эсвэл хөлрөхгүй байх нь тухайн хүний мэдрэлийн системийн онцлог, хэлбэрээс их шалтгаалдаг. Бие султай, мэдрэлийн систем тогтворгүй хүний хөл, гар байнга хүйтэн хөлстэй явдаг.

Хэт их хөлөрдөг хүмүүс хөлсөөрөө эрдэс бодис болон бусад хэрэгцээт бодисуудаа гадагшлуулснаар амархан ядарч сульдан, шөрмөс нь татах сөрөг нөлөөтэй. Ийм тохиолдолд шингэн зүйл сайн уух хэрэгтэй. Хүн тодорхой хэмжээгээр хөлөрч байх нь биед сайн байдаг. Жишээ нь вирусын ханиад, бөөрний өвчин, архаг хордлого, мэдрэлийн өвчнүүдийн үед өвчтөнийг зохиомлоор хөлрүүлдэг эмчилгээ бий.

Ингэснээр эсрэг биет болон бусад нэгдлүүдийг хөлсөөр гадагшлуулж, алдагдсан хэрэгцээт бодисыг эм уулгах болон тарих замаар эргэж нөхдөг.

Нүүрээр хөлөрдөг бол

Их хөлөрдөг нүүртэй хүн савантай хүйтэн усаар угааж байх нь чухал. Мөн лосьоноор /чийгшүүлэгч /арчих нь тустай. Өөрөө нүүрээ арчих бэлдмэл бэлтгэж болно.

Үүнд: – Борын хүчил нэг цайны халбагыг нэг шилэн аяга буцалсан усанд уусган хөргөөд шилэн аяганы1/4 архи ба хоолны цуу нэмнэ .

– Арьс улайж өвдвөл 1-2 цагийн туршид гашилсан сүүгээр жин тавих хэрэгтэй. Жинг 5-10 минут тутамд солих хэрэгтэй.

Гар хөлөрдөг бол

Гарын алга хөлрөх нь мэдрэлийн системийн хямралаас шалтгаална.Гарын алга хөлрөх нь биө хөлрөхөөс огт өөр физиологийн үзэгдэл юм. Энэ нь халууцсанаас бус харин цочролоос үүдэлтэй бөгөөд ямар нэг зүйлээс айж цочих, нэг зүйлд хэт анхаарлаа төвлөрүүлэх үед гарын алга хөлөрдөг нь тогтоогджээ.  Мөн унтах үед гарын алга хөлөрдөггүй. Учир нь унтах үед гарын алга дахь хөлсний булчирхайн үйл ажиллагаа зогсдог бөгөөд харин тэр үед бие хөлөрдөг аж.

Гарын алга хөлрөхөд ямар эмчилгээ хийх вэ?

Гарын алга хөлрөх нь гол төлөв бэлгийн бойжилтын насны хүүхдүүдэд болон цэвэршилтийн насны эмэгтэйчүүдэд тохиолддог судас-мэдрэлийн хямрал юм. Энэ нь янз бүрийн хордлого, хоол унд, ажил амралтын дэглэм алдах, хэт ядрах, хөдөлгөөний хомсдол, сэтгэл санааны цочролоос шалтгаалдаг. Зарим хүний бие махбодын онцлогоос болж жилийн аль ч улиралд гарын алга, хөлийн ул нь хөлөрдөг. Ийм үед формалины гурван хувь уусмал хэрэглэхэд бүрэн арилдаг.

Гарын алга хөлрөхөд гэрийн нөхцөлд хийгдэх эмчилгээ:

1. Гараа эхлээд халуун усанд дүрж угаагаад дараа нь хүйтэн усаар угааж хэсэг хугацаанд дүрж байлгана. Халуун хүйтэн усны температурын ялгаа их байх тусмаа сайн нөлөө үзүүлнэ. Үүний дараа 30-60 хувийн спиртээр арчина. Үүнийг өглөө оройд байнга хийвэл та 7 хоногийн дотор л үр дүнд сэтгэл ханамжтай байх болно.
2. Гараа 7 хоногт нэг удаа формалиныг спирттэй хольж найруулсан шингэнээр арчиж бай. Орцыг өөрийн үзэмжээр сонго.
3. 600 гр бүлээн 1 цайны халбага борын хүчлийн нунтаг дээр багахан нүүр гарын саван хийж уусгана. Ийм усанд гараар 5 минутын турш дүрж байлгасны дараа арчиж, глицирин нимгэн түрх, 10 минутын дараа зөөлөн алчуураар арчаарай.

Эдгээр аргуудын аль нэгийг нь хэрэглэсэн ч болно. Эцэст нь та хэний ч өөдөөс гараа нүүр бардам сунгаж болно.

Тавхай хөлөрдөг бол

– Хөлийн хурууны салааг спиртлэг лосьон, уротропициний 10 хувийн уусмалаар арчихад хөлрөх нь багасаж, эвгүй үнэр арилна. Гутлаа байн байн салхинд тавьж, өдөр бүр хөлөө угааж байх нь зайлшгүй шаардлагатай.

Нуруу, суга хөлөрдөг бол

– Суга хөлөрдөг бол бариу палааж, цамц өмсөх хэрэггүй. Өдөр бүр бүсэлхийгээ хүртэл савантай хүйтэн усаар угааж хоолны цуу юм уу өндөгний шар, хурган чихний үндэсний ханд, царсны холтосны чанамлаар арч.

Хөлрөмтгий хүн юу анхаарах ёстой вэ?

Хамгийн гол нь амьдралын зөв хэвшилтэй байх ёстой. Хоногт 6-8 цаг заавал унтаж амрахаас гадна сэтгэл зүйн хувьд эрүүл байна. Бясалгал хийж өөрийгөө ариусгаж, хувийн ариун цэврийг сахих хэрэгтэй. Мөн биеийг сульдааж мэдрэлийн системд нөлөөлж байгаа цус багадалт, хоол тэжээлийн дутагдал зэрэг өвчнөө эмчлүүлэхэд санаа тавих нь зүйтэй.

Зарим хүмүүс хэвийн үед гэнэт усан хулгана болтлоо хөлөрдөг нь сэрээ булчирхай буюу хүний дархлааны тогтолцоог хариуцсан булчирхайн эмгэгтэй хүнд ийм шинж тэмдэг илэрдэг. Энэ нь гадны ямар ч нөлөөгүйгээр гэнэт маш их хөлөрдгөөрөө онцлог юм.

Халуунд хөгшин, залуугүй хүн бүр хөлөрч, хулмас, шивэр гээд зарим нэг таагүй үнэрээсээ болж тавгүйтдэг нь нууц биш. Иймд хөлс, хулмас, шиврийг дарах олон аргаас нэгийг толилуулъя.

Улаан лоолийн шүүс хэт хөлрөхийг зогсоож, үнэр дарах шинж чанартайг Америкийн эмч нар судлан илрүүлсэн хүн зоныг баярлуулж байна. Ялангуяа халуун дулаан бүс нутгийнхан хулмас дарах хялбар аргыг эрэлхийлсээр шинэ зуунтай золгожээ. Хамар сэтлэм эвгүй үнэр эзэндээ ч, эргэн тойрныхондоо ч халагтай, балагтайг өгүүлж баршгүй. Орос авгайчуул хулмасгүй болсноо улаан лоольтой холбон тайлбарладаг ажээ. Таваас доошгүй литр усанд 500-600 мл улаан лоолийн шүүс хийж найруулаад уусмалаар нь хоёр сугаа ээлжлэн 15 минут шавшина. Yүнийг долоо хоногт 2-3 удаа давтана. Ингэхээс гадна хоёр сугаа улаан лоолийн шүүс шингээсэн хөвөнгөөр өдөрт гурван удаа буюу өглөө, үд, оройд тус бүр 2-3 минут арчина. Эдгээрийн ачаар төдхөн таны суганы үнэр арилж, олны дунд санаа амар явах болно. Түүнчлэн улаан лоолийн хальсаар хөлөө арчвал шивэр дарагдана. Алга, дух, хүзүүгээ улаан лоолийн хальс буюу уусмалаар арчихад хөлсний үнэр арилдаг гэнэ.

Хулмасыг ямар аргаар арилгаж болох вэ?

Хулмасыг суганы булчирхайд байрлах өвөрмөц вирус үүсгэдэг. Энэ вирусыг бүрэн устгахгүйгээр үр дүнд хүрэхгүй нь мэдээж. Хулмас арилгадаг хоёр арга бий. Нэгд, суганы булчирхайг мэс заслын аргаар авах. Ингэснээр хүний дархлаа дарангуйлагддаг сөрөг нөлөөтэй. Харин хамгийн сайн арга нь рентген юм уу лазерын туяагаар шарж вирусыг нь устгах арга юм.